Method Platform Enterprises
vinn aprann kijan pouw viv pi byen usa
Premye sa pouw konnen
Premye sa pouw konnen
Byenvini Ozetazini!
Si w fèk vini nan peyi a, li nòmal pouw santiw pèdi oswa boulvèse, sitou nan moman sa yo. Men pa enkyetew, gen etap ou ka swiv pou mete tèt ou sou bon chemen. Men sa ou dwe konnen an premye:
Kote pou rete
- Chèche yon kote ki sekirite, ki pa two lwen travay oswa lekòl timoun.
- Si w pa gen moun ou konnen isit, ou ka gade opsyon tankou kay fanmi, kay lokasyon, oswa kay pataje, ki se yon bon opsyon, men fok you pridan.
Dokiman ou bezwen mete an reg
- Kat Sekirite Sosyal (Social Security Number (SSN))
- I.D. oswa pèmi kondwi
- Papye imigrasyon ou (siw genyenl)
- Lèt adrès (prèv kotew rete)
Kòman pou'w chèche travay
- Ale nan ajans travay, itilize sit tankou Indeed.com, oswa mande nan kominote a.
- Pa neglije ti biznis lokal: restoran, netwayaj, konstriksyon, elatriye.
Louvri yon kont labank
- Ou bezwen yon kont labank pou w ka touche lajan ou, peye bòdwo, epi konstwi bon dosye kredi.
- Gade labank ki pa mande anpil frè pou imigran oswa ki pèmèt ou louvri kont san SSN.
Aprann lang anglè
- Malgre ou pale Kreyòl, aprann angle ap ba ou plis opòtinite pou travay, kominikasyon, ak edikasyon.
- Chèche klas ESL (English as a Second Language) gratis nan bibliyotèk, legliz, oswa sant kominotè.
Konstwi bon kredi
- Sèvi ak kat prepeye oswa kat sekirize pou w kòmanse bati kredi w.
- Pa prete plis pase sa w ka peye.
- Peye bòdwo w alè.
Rete konekte ak kominote
- Al legliz, asosiyasyon ayisyen, oswa evènman kominotè.
- Sa ede w jwenn enfòmasyon, soutyen, ak zanmi ki nan menm sitiyasyon ak ou.
Konsèy pratik:
- Mete tout dokiman ou an sekirite.
- Toujou mande kesyon siw pa konprann.
- Pa pran okenn desizyon san verifye si li legal oswa san konprann tout konsekans yo.
“Tout kòmansman difisil, men avni w ka chanje si w pran bon desizyon jodi a.”
Konprann Anvironmanw
Premye sa pouw konnen
Anvironman Pozitif
Anvironman pozitif se lè:
- Ou rete nan yon zòn ki an sekirite
- Ou antoure ak moun ki ankouraje ou
- Ou patisipe nan aktivite kominotè, legliz, lekòl oswa sant kominotè
- Ou toujou ap aprann epi chèche opòtinite
Efè li:
- Ou gen plis motivasyon
- Ou gen aksè ak enfòmasyon ki ka ede w
- Ou devlope pi vit sou plan pèsonèl ak pwofesyonèl
Anvironman Negatif
Anvironman negatif se lè:
- Ou antoure ak moun ki demoralize'w oswa kap itilize ou
- Ou izole tèt ou, pa ale okenn kote
- Wap viv kote gen anpil vyolans oswa presyon
- Ou pa gen aksè ak bon enfòmasyon oswa bon zouti
Efè li:
- Ou dekouraje, pè avanse
- Ou fè plis erè legal oswa finansye
- Ou pèdi tan sanw pa menm konnen
Solisyon:
- Chèche enfliyans pozitif (moun ki gen bon konsèy
- Ale kote w ka aprann (klas, legliz, atelye)
- Evite move frekantasyon, evite pawòl negatif
- Pa neglije sante mantal ou, pale si w bezwen èd
Fraz enspirasyon:
“Chanje kote w ye, ka chanje lavi w, men chwa ou fè chak jou, se sa ki ap deside avniw".
Ki donk, ou gen anpil bagay pouw aprann toujou nan peyi sa, pouw kapab fe sikse.
Kijan sistèm lajan ak kredi fonkisyone ozetazini
Pa Kite Rèv ou Dòmi Pandan w Ap Travay Pou Rèv Lòt Moun
Nan peyi Etazini, kredi se kle lavi a. Ou ka travay, ou ka touche, men si ou pa gen bon dosye kredi ou ka jwenn pòt fèmen sou ou chak bò.
Men sa ou dwe konnen pou w ka mete tèt ou sou bon chemen:
1. Konnen kisa kredi ye?
Kredi se konfyans yon moun oswa yon bank mete nan ou pou w prete lajan epi remèt li alè. Sa baze sou dosye ou: konbyen ou prete, kijan ou peye, ak si ou toujou respekte dat yo.
2. Poukisa bon kredi enpòtan?
Avèk bon kredi ou ka:
- Achte machin san gwo peman davans
- Achte kay ak enterè ki ba
- Jwenn kat kredi ki bay avantaj
- Lwe apatman pi fasil
- Resevwa finansman pou biznis ou
3. Ki sa ki ka kraze kredi ou?
- Pa peye bòdwo alè
- Sèvi ak plis pase 30% sou kat kredi w
- Fè twòp demann kredi
- Pa gen okenn aktivite sou dosye w
- Kite dèt ou yo ale nan koleksyon
4. Kijan pouw konstwi bon kredi?
- Louvri yon kat sekirize (secure card)
- Peye bòdwo a tan
- Sèvi ak mwens pase 30% sou limit kat la
- Pa fè twòp demann kred
- Tcheke rapò kredi w chak ane (gratis sou annualcreditreport.com)
5. Kredi pa menm ak kach
- Avèk kach, ou peye epi ou fini
- Avèk kredi, ou prete epi w gen obligasyon peye ak enterè
- Men bon kredi lakoz enstisyon finansye yo fèw plis konfyans nan sistèm lan
Fraz enspirasyon:
“Bon kredi se pa richès, men li kapab ouvri pòt ou pa t janm imajine.”
Pa Kite Rèv ou Dòmi Pandan w Ap Travay Pou Rèv Lòt Moun
Pa Kite Rèv ou Dòmi Pandan w Ap Travay Pou Rèv Lòt Moun
Ou pa kite fanmi, zanmi, ni peyi ou pouw viv menm jan ak jan w te ap viv deja. Ozetazini gen opòtinite, men yo pa parèt pou moun k ap tann, yo la pou moun ki leve, ki planifye, epi ki chèche.
Men sa nou ta renmen ou reflechi sou li:
1. Eskew reyalize wap travay pou rèv lòt moun?
- Ou leve chak maten, ale nan travay... men ou pa gen okenn plan pèsonèl?
- Ou ka pase 10–15 ane ap travay, men ou pa gen kay, pa gen biznis, pa gen ekonomi?
- Ou toujou “okipe,” men ou pa konnen ki kote w ap mennen tèt ou.
“Travay di se pa sifi, travay ak vizyon, se sa ki fè diferans lan.”
2. Rèv ou pa mouri, li jis dòmi
- Ou te vle mete yon ti biznis?
- Ou te vle achte yon kay pou fanmi w?
- Ou te vle aprann yon metye, jwenn finansman, konstwi kredi?
Ou pa two gran. Ou pa two an reta. Ou ka kòmanse jodi a. si ou leve epi pran premye aksyon.
3. Chak ane ou pa planifye, ou pèdi tan, ak lajan sou laviw
- Chak $500 ou pa envesti = plizyè milye dola ou pèdi nan 5–10 ane
- Chak sezon ou pa aprann = ou kite lòt moun pran plas ou
- Chak rèv ou mete sou “kanpe” = se tan ou kite pase pou lòt moun ap avanse.
4. Kisa pouw fè pou chanje sitiyasyon an?
- Chita ekri sa ou vle reyalize (menm si li parèt fou)
- Fè rechèch sou kijan ou ka kòmanse ti pa ti pa
- Chèche ed, resous, ak moun ki ka montrew
- Wete tèt ou nan “fè lajan sèlman” men mete tèt ou nan “fè avniw”
Fraz Enspirasyon:
“Ozetazini, ou ka fè rèv ou tounen reyalite men sèlman si ou sispann travay pou rèv lòt moun, epi kòmanse travay sou pa w.”
Kijan Pou W Fè Timoun ou Rete Sou Bon Chemen Ozetazini
Si ou gen pitit, ou deja konnen: chak desizyon ou pran jodi a se envestisman nan demen yo. Men, Ozetazini, gen anpil nouvo règ, presyon sosyal, ak sistèm edikatif ou dwe konprann pou w ka sipòte timoun ou.
1. Konprann lekòl ozetazini
- Timoun ale lekòl gratis soti nan Klas K-12 (Jaden danfan pou rive filo 12)
- Ou ka mande tradiktè pou reyinyon
- Timoun gen dwa pou yo aprann nan bon kondisyon
2. Lang ak Idantite
- Ankouraje yo aprann lang angle, men pa kite yo bliye Kreyòl ak kilti yo
- Pale ak yo sou rasin ou ak istwa ou
- Fè yo konnen yo pa gen anyen pou yo wont paske yo diferan
3. Evite dwa ak difikilte
- Aprann kijan lwa trete timoun (egzanp: ou pa ka bat yo tankou an Ayiti)
- Disiplin se pa frape, se edikasyon ak kominikasyon
- Bouli ak presyon zanmi se danje pale ak pitit ou sou sa yo santi
4. Aktivite ak kominote
- Mete timoun ou nan aktivite: espò, legliz, kleb, atelye
- Ale nan evènman lekòl
- Chita ak yo chak semèn pou tcheke kijan yo santi yo
5. Timoun Imigran gen chay siplemantè
- Yo ka santi yo gen pou pote fanmi an sou zepol yo
- Yo ka pèdi konfyans paske lang oswa akonpayman manke
- Ou dwe bay yo lanmou, atansyon, ak valè chak jou
Fraz Enspirasyon:
“Yon timoun ki santi li soutni ap vinn yon granmoun ki pa pè rèv li.”
Method Platform: pote wout ak zouti pou soti tet ou deyo
Nan yon peyi kote sistèm yo konplike, Method Platform Agency egziste pou gidyew, fòme w, epi mete w sou chimen reyisit. Nou pa sèlman baw enfòmasyon, nou mache ak ou chak pa ou fè.
Nou ede ou bati, konstwi, epi pwoteje rèv ou.
1. Kredi ak reparasyon kredi
- Evalyasyon rapò kredi w
- Dispite dèt, erè, ak inexactitid
- Bati kredi ou soti nan 0 oswa apre echèk
- Metew sou wout pou biznis oswa prè
Ou pa ka bati avni finansye san bon kredi. Nou edew mete fondasyon an.
2. Finans pèsonèl ak biznis
- Kreye plan bidjè pèsonèl
- Jere dèt ou
- Devlope estrateji finansman biznis (lajan, envestisman, optimize revniw)
Nou baw klè sou kòman ou ka kontwole lajan ou olye li kontwolew.
3. Taks ak legalite finansye
- Asistans pou ranpli taks pèsonèl ak biznis
- Edikasyon sou dediksyon, refi, ak wout legal ou pa konnen
- Pwoteksyon kont pinisyon ak revokasyon finansyè
Ou pa bezwen pè taks, ou bezwen konprann li epi sèvi avèl nan avantaj ou.
4. Fòmasyon sou grants, prè, ak opòtinite gouvènman
- Nou edew aplike pou grant gouvènman, non-profit, oswa microloan
- Fòmasyon sou kijan pouw prepare dosyew pou finanse rèv ou
- Rekòmandasyon ak alèt sou opòtinite ki disponib
Lajan disponib, men ou bezwen konnen kijan pou jwenn li. Nou montrew kijan.
5. Vwayaj ak planifikasyon entelijan
- Ede w aprann kijan pou planifye vwayaj (dokiman, bidjè, sekirite)
- Sèvis vwayaj pou edikasyon, rekreyasyon, oswa relokalizasyon
- Konsèy sou paspò, viza, ak opsyon abòdab
Nou edew jwi lavi a pandan wap konstwi avniw.
6. Anpil lòt zouti pou reyisit ou
- Ebooks, fòmilè, kalkilatris finansye, atelye dijital
- Aksè ak kominote ki soutni ou
- Konsiltasyon 1-on-1 ak kou rapid sou sijè w ap lite ak yo
Pa lite pou kont ou. Nou deja pase la, nou la pou montre w.
Fraz Misyon:
“Method Platform Agency pa la pou fèw depann, nou la pou fòmew, pouw vin endepandan.”